I mātou ki Tamakimakaurau ki te tākaro ki te wāhi mīharo, Te Mutunga o Kōpere.  Tūmeke katoa ngā ekenga ki reira.  Harikoa rawa mātou.

He rangi hei ako ngā āhuatanga haumaru ki te taha o te wai.  He akoranga pai mā ngā hararei o te raumati ki te taha o te moana, ngā roto, ngā awa, ā ngā punawai kaukau hoki.  Kia haumaru ki te taha o te wai.

Te tikanga me whakaharatau ngā mahi uhinga pōro.  Nā reira i pēnei ahau, me te whakaatu ki ngā tamariki ā Māhaki.  Ahakoa kaore i te uru tika te whiu tuatahi, i uru i te wā tuarua.  Mīharo te tautoko ā ngā tamariki.

Nā reira kia pai wā koutou hararei raumati.

He akoranga tā te mahi tukutuku.  He hononga ki te mahi whenu ‘Tauira me te Pānga’.  Tuatahi ake i hanga he tauira ki runga i tētahi pepa tukutuku, kātahi ka hanga mai te papa tukutuku me te wūru.  He rawe hoki te mahi nei mā ngā pūkenga whāiti.

I tēnei rā i haere mai ngā kōtiro tokorua me te whakaatu mai, ā te pānui hoki te pūrākau ā Tamainupō.  He reka te reo, ā he pai ngā pikitia.  Tō mātou waimarie hoki i hōmai te pukapuka pūrākau nei ki a mātou.  Te ātaahua hoki te taonga nei.  Tēnā kōrua mā ōu kōrua whakaaro nui mā mātou ko Māhaki.

Kua tae mai te wā mā te rangi kaiaka.  Kia kaha te mahi hākinakina.  Kaua e wareware te mau kākahu tae mā tō koutou whare.

Mahuika, Tūmatauenga, HineUira, Ruaumoko!!

I whakarite e mātou he rangi mīharo hei mau kākahu rerekē, ā he kākahu hei whakamātaku, he kākahu o te tangata toa pai ki a mātou.  Ko mātou ā Māhaki tēnei e tū rangatira ana me te kanikani.